කළුතර යතුරු පැදි ඒකකයට අනුයුක්ත නිලධාරීන් ලෙස කටයුතු කරමින් සිටියදී 2009 මැයි 25 දා කළුතර කිතුලාව ප්‍රාදේශයේදී මත්පැන් සමග අත්අඩංගුවට ගත් කාන්තාවකගෙන් නීති විරෝධී මත්පැන් ප්‍රමාණය අඩුකර සටහන් කිරීමට අල්ලස් වශයෙන් පොලිස් කොස්තාපල් සුමින්ද සමන් සහ උප පොලිස් පරීක්ෂක කුමාර බණ්ඩාර යන නිලධාරීන් රුපියල් 10,000ක මුදලක් ලබා ගත් බව චෝදනාවේ සඳහන් වේ.
අල්ලස් හෝ දූෂණ කොමිෂන් සභාව මෙම පැමිණිල්ල ගොනුකර තිබූ අතර එම කොමිෂන් සභාව වෙනුවෙන් සහකාර නීති අධ්‍යක්ෂ තුෂාරි දයාරත්න නීතිඥවරිය පෙනී සිටියාය.
නීතිඥ අනුර මැදගෙදර මහතා අධිකරණයට පවසා සිටියේ මෙම නඩුව කිසිදු නීතිමය කරුණු මත විභාගය වන්නක් නොව දක්ෂිණ අධිවේගී මාර්ගයේ අධික වේගයෙන් රථ ධාවනයේ යෙදුණු නියෝජ්‍ය ඇමැතිවරයාට දඩ කොළයක් නිකුත් කිරීමේ සිදුවීමේ දුරදිග යාමේ ප්‍රතිඵලයක් ලෙස සිදුවන්නක් බවය.
විත්තිකරුවන් දෙදෙනාට රුපියල් 25,000 බැගින් මුදල් ඇප ද ලක්ෂ 5 බැගින් ශරීර ඇප 2ක් ද නියෝග කළ කොළඹ මහාධිකරණ විනිසුරු ලලිත් ජයසූරිය මහතා මෙම නඩුව විභාගයට ගැනීම සැප්තැම්බර් පළමුවැනිදාට කල් තැබිය.
0 comments:
Post a Comment