කැනඩාවේ දෙමළ කොංග්‍රසය කොටි සංවිධානයට සම්බන්ධ කරමින් ත්‍රස්තවාදී කටයුතු පිළිබඳ විශේෂඥයකු වන රොහාන් ගුණරත්න කළ ප්‍රකාශයකින් කැනඩාවේ දෙමළ කොංග්‍රසයට එරෙහි කැනඩාවේ ඔන්ටේරියෝ උපරිමාධිකරණය කැනඩා ඩොලර් පනස් තුන්දහසක් (රුපියල් හැටතුන්ලක්ෂ තිස්දහසක් ) වන්දි හා නඩු ගාස්තු ගෙවන ලෙස ගුණරත්නට නියම කළේය.
කොටි සංවිධානය කැනඩා දෙමළ කොංග්‍රසය නමින් කැනඩාවේ රැඳී සිටින බවත් එය කැනඩාවේ ප්‍රධාන කොටි පෙරමුණ බවත් 2011 පෙබරවාරී මාසයේ ලක්බිම නිවුස් ලිපියකින් ගුණරත්න කියා ඇතැයි උසාවියේදී කියැවිණි.
කැනඩා රජය මේ පිළිබඳව දන්නා බවත් ඒ ගැන පරීක්ෂණ පවත්වන බවත් ගුණරත්න ලියා ඇත.
ඕන්ටේරියෝ විනිසුරු ස්ටීවන් ඊ ෆියර්ස්ටන් කැනඩා දෙමළ කොංග්‍රසයට වාසි සහගත ලෙස තීන්දුව දෙමින් කැනඩා ඩොලර් තිස්හත්දහක වන්දියක් කැනඩා ඩොලර් දහසය දහසක නඩු ගාස්තු ගෙවන ලෙසද ගුණරත්නට නියම කළේය.
ගුණරත්නගේ ප්‍රකාශ පැහැදිලිවම සෘජුව හෝ වක්‍රව අපහාසාත්මක බවක් නීතී විරෝධී හා ප්‍රචණ්ඩ ක්‍රියාවලට සම්බන්ධ බව ගම්‍ය වන බවත් විනිසුරු සඳහන් කළේය.
එම ප්‍රකාශ වැරැදි හා අසත්‍ය බව ඉතා පැහැදිළිව බව මතබේදයකින් තොරව පැවසිය හැකි යැයි ද විනිසුරු කීවේය.
දේශපාලන ප්‍රචණ්ඩ ක්‍රියා හා ත්‍රස්තවාදී පර්යේෂණ සම්බන්ධයෙන් සිංගපුරුවේ නැංයැං තාක්ෂණ සරසවියේ ජාත්‍යන්තර ප්‍රධානියා මහාචාර්ය ගුණරත්නයි.
ඔහු ශ්‍රී ලංකා රජය හා එක්ව මඩ ගසතියි කැනඩා දෙමළ කොංග්‍රසයේ ප්‍රකාශක ඩේවිඩ් පුපාලපිල්ලේ කියයි.
කැනඩාවේ වෙසෙන ශ්‍රී ලාංකිකයන් තුන් ලක්ෂයක් පමණ නියෝජනය කරන ජනතා දෙමළ කොංග්‍රසය ශ්‍රී ලංකාවෙන් පිටත වැඩිම දෙමළ මහ ජනයා අයත් සංවිධානයයි.
0 comments:
Post a Comment