අගමැති දි.මු. පාරිශුද්ධ චරිතයක් – සම්බන්ධීකරණ ලේකම්...
අගමැති දි.මු ජයරත්න මහතා ලංකාවේ වගකිවයුතු අමාත්‍යංශ රැසක ඇමතිවරයා ලෙස කටයුතු කර ඇති බවත් ඔහු කිසි කලෙක අයථා ගනුදෙනුවලට හෝ දුෂකයන් හා නාස්තීන් සදහා නොනැමුණු චරිතයක් නොවන බව අගමැති සම්බන්ධීකරණ ලේකම් අමිල සුදේන පියසිංහ නිවේදනය කරයි.
ඒ අමිල සුදේන පියසිංහගේ අත්සනින් යුතුව නිකුත් කළ එම නිවේදනයේ මෙසේද සදහන් වේ.
‘කන්ටේනරයක් තුළ වංචනික ලෙස වා තිබූ හෙරොයින් මත්ද්‍රව්‍ය හේතුවෙන් මනුසත් බව විනාශ කරන්නට උත්සාහ කළ සියලූ අමනුෂයන් කෙරෙහිම අප තුළ ඇත්තේ පිළිකුලක් බව නොකිවමනාය. බුද්ධශාසන හා ආගමික කටයුතු අමාත්‍යංශයේ සම්බන්ධීකරණ ලේකම්වරයෙකු මෙවැනි පිළිකුල් සහගත කර්තව්‍යකට අදාළව ලිපියක් සැපයීමක් පිළිබදව මාධ්‍ය මගින් වාර්තා වූ විටෙක මෙරට බෞද්ධ ජන සමාජයේ ආන්දෝලනයක් ඇති වුවද විමර්ශන තුළින් සත්‍ය හෙළි වූ විටෙක සියල්ල සංසිදෙනු ඇත.
එනමුදු දි.මු ජයරත්න මෙරට දේශපාලනයේ කෘතහස්ත සලකුණක් කෙරෙහි අචල මහජන විශ්වාසය තවමත් එයාකාරවම පවතිනුයේ එතුමාගේ දීර්ධ කාලීන දේශපාලන ජීවිතයත් පෞද්ගලික ජීවිතයත් විමර්ශන කිරීමෙන් බැව් පැහැදිලිය.
තම රට ජාතිය ආගම පිළිබද මහත් හැගීමකින් සැමදා කටයුතු කළ දි.මු ජයරත්න වැනි ශ්‍රේෂ්ඨ දේශපාලඥයෙකු තම දේශපාලන ජීවිතයේ කෙළවරටම පැමිණ ඇති මෙවැනි මොහොතක ඔහුට වඩාත් වැදගත් වනුයේ මහජන සම්භාවනාව විනා වෙන කිසියම් දෙයක්දැයි අප යළි සිතා බැලිය යුතු නොවේද?
0 comments:
Post a Comment