ස්වීඩනයේ පදිංචිව සිටිමින් සිංහල බසින් ලේඛනයේ යෙදෙන කලක් පුවත්පත් කලාවේදිනියක ලෙස ද ප්‍රකට ප්‍රවීණ ලේඛිකා ප්‍රියංවදා බන්දුවර්දන ගේ නවතම කෘතිය ‘නිදහසේ තටු ඇවිත්’ ග්‍රන්ථය පිළිබඳ පුංචි කතාබහක් පසුගියදා පැවැත්වුණේ ග්‍රන්ථයේ ප්‍රකාශකයන් වන මරදානේ සූරිය ප්‍රකාශකයන්ගේ පොත්හලේදීයි.
මේ කතාබහට ප්‍රියංවදා පරිවර්තනය කළ ග්‍රන්ථයේ මුල් කෘතිය වන Just A Daughter කෘතිය ලියූ සරීටා ස්කාග්නෙස් ද සහභාගි වී සිටීම විශේෂත්වයක් වුණා.
සූරිය පොත්හලේ පැවැති ඒ කතාබහේදී ඒ මුල් ලේඛිකාවගේ සැබෑ ජීවිතය පිළිබඳ සිත්කම්පා වන තොරතුරු ෙගාන්නක් අසන්නට ලැබුණා. ඇය මුල් කෘතියෙන් එළිදක්වා තිබුණේ ඇගේ සැබෑම කතාවයි.
ආසියාතික රටවල විශේෂයෙන්ම ඉන්දියාව, බංගලාදේශය සහ පකිස්ථානය වැනි රටවල සියලුම ආකාරයේ තාඩන පීඩන හා ලිංගික අපහරණයට ලක්වන කතුන්ගේ වේදනාත්මක අත්දැකීම් සැමදාම පවතින්නේ සදාකාලික රහස් ලෙසයි. තම නිවෙස් තුළම දුක්පීඩාවට පත්වන ඒ කතුන්ගේ රහස් බොහෝ විට ඒවාට ගොදුරුඅවන කාන්තාවන් ද සමඟින් වැළලී යනවා. එහෙත්, සරීටාගේ කතාව එසේ වැළලී නොයා මුළු ලොවටම හෙළිවුණු කතාවක් වුණේ ඇය නිර්භයව තම කතාව ලොවට හෙළි කළ නිසයි.
සරීටා උපන්නේ ඉන්දියාවේ. ඇය පංජාබ් ජාතික කාන්තාවක්. කෙල්ලක ලෙස උපත ලැබීම නිසාම ඇය පවුල තුළින්ම දැඩි පීඩාවට ලක්වුණා. යන්තම් වයස අවුරුදු පහේදී ඇගේ පියා සරීටා පිරිමි ළමයකු වෙනුවට ඇය හුවමාරු කරගත්තා. එතැන් පටන් ඇයට සිදුවුණේ මෙහෙකාරියක ලෙස බැල මෙහෙවර කරන්නයි. ඇය ප්‍රථම වරට අපහරණයට ලක්වන්නේ වයස අවුරුදු පහේදීයි. ඇගේ පවුලේ අය නිතරම ‘ඉසාට්’ ගැන කතා කරන බව ඇය පවසනවා. ඉසාට් යනු නම්බුවයි. ඉසාට් ගැන කතා කරන ඇගේ පියා තමන්ගේ දියණිය අපහරණයට ලක්කරන අතරම අනෙක් කෙල්ලන් දෙස ද බලන්නේ නරක ඇසකිනි. ඇගේ මව ද සැමියා වෙතින් එල්ලවන සියලු තාඩන පීඩන ඉවසන්නේ ‘ඉසාට්’ නිසාය. පියා වෙතින් දියණියට එල්ල වන තාඩන පීඩන ද ඇය එනිසාම විඳ දරා ගත යුතු වෙනවා.
මේ සියලු දුක් පීඩා විඳ ගනිමින් ජීවත්වූ සරීටා වයස අවුරුදු 16 දී පියා විසින් නෝර්වේ රටට රැගෙන එනු ලබන්නේ තම දියුණු පවුලේ වැඩකාරිය ලෙසයි. එහිදී ද ඇගේ ජීවිතය ඉන්දියාවේ ගත කළ ජීවිතයට වඩා වැඩි වෙනසක් වන්නේ නැහැ. මුලදී ඇයට නිදා ගැනීමට ලැබෙන්නේ නෝර්වේ හි පියාගේ නිවෙසේ පඩි පෙළ යටයි. ඉගෙන ගනිමින් රැකියාව කරන ඇගේ සියලු වැටුප යන්නේ පියා සමඟ වන පවුල් බැංකු ගිණුමටයි. ඒ මුදල් පරිහරණය කරන්නේ පියායි. ගෙදර පිසෙන ආහාරවල හොඳම කොටස පවුලේ පිරිමි දරුවාට වෙන්වෙද්දී සරීටාට ලැබෙන්නේ එහි නරකම කොටසයි.
දිගින් දිගටම පීඩාවට ලක්වන සරීටා වයසින් වැඩෙත්ම ඉගෙනීමේ වටිනාකම ඇගේ සිතට පිවිසෙනවා. එනිසා දුක් පීඩා මධ්‍යයේ ඉගෙනීමට ඇගේ සිත යෙදවීමේ ප්‍රතිඵලය වන්නේ ඇය හොඳින් ඉංග්‍රීසි සහ නෝර්වේජියානු භාෂා හැදෑරීමයි. දැන් ඇයට ඒ භාෂා සමඟ ස්වීඩන්, පින්ලන්ත, පංජාබ් සහ හින්දි ඇතුළු භාෂා 6ක් කතා කළ හැකියි.
ලේඛිකා ප්‍රියංවදාට සරීටා හඳුනාගන්න ලැබුණේ ස්වීඩන් රූපවාහිනිය ඔස්සේ විකාශය වූ වැඩ සටහනක් නිසායි.
“කෙල්ලක ලෙස මෙලොව එළිය දැකීම නිසාම උපන් මොහොතේ සිට විසි වසරක් තිස්සේ ඇයට විඳින්නට සිදුවූ අනේක විධ දුක් ගැහැට ඇය රූපවාහිනී වැඩ සටහනෙන් විස්තර කරද්දී මගේ දෑසට කඳුළු ඉනුවා. මගේ හදවත මේ දරුවා වෙනුවෙන් හඬා වැලපුණා. ඇගේම පියා තමන්ට උපන් මේ ගැහැනු දරුවා ඉපදුණු ගමන් කොට්ටයෙන් මුහුණ තදකර මරාදාන්න උත්සාහ කර තිබුණා. එහෙත්, වාසනාවකට ඇය මියගියේ නැහැ. ඉන්පසුත් ඇය විඳි දුක් වේදනා අපමණයි” ප්‍රියංවදා පැවසුවා.
එතැන් පටන් සරීටා මුණගැසීමට උත්සාහ දැරූ ප්‍රියංවදාට ඇය හා කතාබහ කිරීමේ අවස්ථාව උදාවුණා. මේ වෙද්දී සරීටාගේ පොත පිටවී අවසානයි. ඒ මුල් කෘතිය ලොව පුරා භාෂා කීපයකට පරිවර්තනය වී තිබුණා. ප්‍රියංවදා සහ සරීටා මුණගැසීමේ ප්‍රතිඵලය වූයේ මවකගේ සෙනෙහස නොමැතිව ජීවත්වන සරීටා ට ප්‍රියංවදාගෙන් මවු සෙනෙහස ලැබීම සහ ඇගේ කෘතිය සිංහලයට නැඟීමයි.
“සරීටා මට කතාකරන්නේ මමා කියලයි. මං එයාට සිංහලෙන්ම දුව කියා කතා කරනවා. මා මේ පොත පරිවර්තනය කළේ මුළු ලෝකයේම අතවරයට ලක්ව ඒවා විඳගෙන ජීවත්වන සියලුම ගැහැනුන් වෙනුවෙනුයි” ප්‍රියංවදා පැවසුවා.
පොත මෙරට විකුණා ලබන ලාබය අපේ රටේ දුප්පත් ගැහැනු දරුවන්ගේ අධ්‍යාපනය වෙනුවෙන් යෙදවීමට සරීටා සහ ප්‍රියංවදා තීරණය කර ඇතත් ඒ සඳහා තවමත් ඉඩ හසර විවර වී නැති බව ඔවුන් පැවසුවේ කනගාටුවෙනි.
සරීටා ගේ කතාව මුළු ලොවම දැනගත් පසු ඇයට දිගින්දිගටම ලෝකය පුරා විවිධ රටවලින් දේශන සඳහා ආරාධනා ලැබීමත් සමඟ ඇය ලෝකයේ ජනප්‍රිය දේශකවරියක බවට පත්වූවා. කාන්තා හා ළමා සුබසාධනය වෙනුවෙන් කතාකරන සරීටා ර‍ට රටවලින් ලැබෙන ආරාධනා අනුව ඒ රටවලට ගොස් කාන්තා හා ළමා අපරාධ අඩු කිරීම සඳහා ගත යුතු පියවර ගැන උපදෙස් දෙමින් අනාගත පරපුර සඳහා විශාල සමාජ මෙහෙවරක් කරන්නීය. නෝර්වේ සහ ස්වීඩන් යන රටවල ඉතා ඉහළ පිළිගැනීමකට ලක්ව සිටින සරීටා 2013 අගෝස්තු මාසයේ ස්වීඩන ගුවන් විදුලියේ ජනප්‍රියම කථකයා ද වූවාය.
ඉන්දියාවේ වසරකට ගැහැනු දරුවන් කළල අවස්ථාවේදී පටන් මිලියන 50කට ආසන්න සංඛ්‍යාවක් විනාශයට හෝ මරණයට පත්වන බව පවසන සරීටා තම කතාව ලොවට හෙළි කළේ ඒ ඉරණමෙන් ගැහැනු දරුවන් බේරා ගැනීමට බව පවසයි. ඇය අද ඒ සඳහා පෙරමුණ ගෙන සිටින අතර ඇගේ රැකවරණ ලැබ සිය ජීවිත සාර්ථක කරගත් ගැහැනු දරුවන් අතර ඉංජිනේරුවරියන්, වෛද්‍යවරියන්, මෝස්තර නිර්මාණ ශිල්පිනියන්, ගෘහනිර්මාණ ශිල්පිනියන් සහ පුවත්පත් කලාවේදිනියන් ද ලෙස පෙරට ආ තරුණියන්් හතළිස් පහකට ආසන්න සංඛ්‍යාවක් සිටිනවා.
මේ සියලු කාර්යයන්ට ඇයට අවශ්‍ය ශක්තිය ලබාදෙන්නේ ඇගේ නෝර්වේ ජාතික සැමියායි. සරීටා තමා උපයන සෑම දෙයින්ම කොටසක් තම මවු රටේ දරුවන් වෙනුවෙන් යොදවනවා.
සරීටා සියලු වධ හිංසාවලට ලක් කළ ඇගේ පියා දැන් ඉන්දියාවේ ඉතා සමෘද්ධිමත් ජීවිතයක් ගත කරන්නේ ‘ඉසාට්’ ගැන ද පුරසාරම් දොඩමිනි. ඔහුගේ බලයට යටත්ව අසරණව දිවි ගෙවන මව දැක බලාගැනීමට සරීටා පෙරුම් පුරන්නීය. එහෙත් ඇය යළි පංජාබයේ ඔවුන්ගේ නිවෙසට පා තබන්නේ පියා නොමැති දිනයක බව සරීටා පවසනවා.
“අපේ ලංකාවේ පවා කාන්තාවන්ගෙන් සියයට අසූවක්ම වාචිකව හෝ පිරිමින්ගේ ගැහැටට ලක්වෙලා තියෙනවා. ඒත් අපි හැමදාම නිහඬයි. ඒවා විඳගෙන ඉන්නවා. ජීවිතයටම බලපාන දෙයක් සිදුවුණත් අපි ඒවා හිතේ සඟවාගෙන ජීවත් වෙනවා. එහෙත් සරීටා ඒ සියල්ල හදවතේ හංගා ගෙන නොසිට හෙළිකර ජීවිතයට ධෛර්යය ලබා ගත්තා. ඒ අත්දැකීම් මත ඇය අනිත් අයටත් උදව් කරනවා” යැයි ප්‍රියංවදා පැවසුවා.
මේ කතාබහට ප්‍රියංවදා පරිවර්තනය කළ ග්‍රන්ථයේ මුල් කෘතිය වන Just A Daughter කෘතිය ලියූ සරීටා ස්කාග්නෙස් ද සහභාගි වී සිටීම විශේෂත්වයක් වුණා.
සූරිය පොත්හලේ පැවැති ඒ කතාබහේදී ඒ මුල් ලේඛිකාවගේ සැබෑ ජීවිතය පිළිබඳ සිත්කම්පා වන තොරතුරු ෙගාන්නක් අසන්නට ලැබුණා. ඇය මුල් කෘතියෙන් එළිදක්වා තිබුණේ ඇගේ සැබෑම කතාවයි.
ආසියාතික රටවල විශේෂයෙන්ම ඉන්දියාව, බංගලාදේශය සහ පකිස්ථානය වැනි රටවල සියලුම ආකාරයේ තාඩන පීඩන හා ලිංගික අපහරණයට ලක්වන කතුන්ගේ වේදනාත්මක අත්දැකීම් සැමදාම පවතින්නේ සදාකාලික රහස් ලෙසයි. තම නිවෙස් තුළම දුක්පීඩාවට පත්වන ඒ කතුන්ගේ රහස් බොහෝ විට ඒවාට ගොදුරුඅවන කාන්තාවන් ද සමඟින් වැළලී යනවා. එහෙත්, සරීටාගේ කතාව එසේ වැළලී නොයා මුළු ලොවටම හෙළිවුණු කතාවක් වුණේ ඇය නිර්භයව තම කතාව ලොවට හෙළි කළ නිසයි.
සරීටා උපන්නේ ඉන්දියාවේ. ඇය පංජාබ් ජාතික කාන්තාවක්. කෙල්ලක ලෙස උපත ලැබීම නිසාම ඇය පවුල තුළින්ම දැඩි පීඩාවට ලක්වුණා. යන්තම් වයස අවුරුදු පහේදී ඇගේ පියා සරීටා පිරිමි ළමයකු වෙනුවට ඇය හුවමාරු කරගත්තා. එතැන් පටන් ඇයට සිදුවුණේ මෙහෙකාරියක ලෙස බැල මෙහෙවර කරන්නයි. ඇය ප්‍රථම වරට අපහරණයට ලක්වන්නේ වයස අවුරුදු පහේදීයි. ඇගේ පවුලේ අය නිතරම ‘ඉසාට්’ ගැන කතා කරන බව ඇය පවසනවා. ඉසාට් යනු නම්බුවයි. ඉසාට් ගැන කතා කරන ඇගේ පියා තමන්ගේ දියණිය අපහරණයට ලක්කරන අතරම අනෙක් කෙල්ලන් දෙස ද බලන්නේ නරක ඇසකිනි. ඇගේ මව ද සැමියා වෙතින් එල්ලවන සියලු තාඩන පීඩන ඉවසන්නේ ‘ඉසාට්’ නිසාය. පියා වෙතින් දියණියට එල්ල වන තාඩන පීඩන ද ඇය එනිසාම විඳ දරා ගත යුතු වෙනවා.
මේ සියලු දුක් පීඩා විඳ ගනිමින් ජීවත්වූ සරීටා වයස අවුරුදු 16 දී පියා විසින් නෝර්වේ රටට රැගෙන එනු ලබන්නේ තම දියුණු පවුලේ වැඩකාරිය ලෙසයි. එහිදී ද ඇගේ ජීවිතය ඉන්දියාවේ ගත කළ ජීවිතයට වඩා වැඩි වෙනසක් වන්නේ නැහැ. මුලදී ඇයට නිදා ගැනීමට ලැබෙන්නේ නෝර්වේ හි පියාගේ නිවෙසේ පඩි පෙළ යටයි. ඉගෙන ගනිමින් රැකියාව කරන ඇගේ සියලු වැටුප යන්නේ පියා සමඟ වන පවුල් බැංකු ගිණුමටයි. ඒ මුදල් පරිහරණය කරන්නේ පියායි. ගෙදර පිසෙන ආහාරවල හොඳම කොටස පවුලේ පිරිමි දරුවාට වෙන්වෙද්දී සරීටාට ලැබෙන්නේ එහි නරකම කොටසයි.
දිගින් දිගටම පීඩාවට ලක්වන සරීටා වයසින් වැඩෙත්ම ඉගෙනීමේ වටිනාකම ඇගේ සිතට පිවිසෙනවා. එනිසා දුක් පීඩා මධ්‍යයේ ඉගෙනීමට ඇගේ සිත යෙදවීමේ ප්‍රතිඵලය වන්නේ ඇය හොඳින් ඉංග්‍රීසි සහ නෝර්වේජියානු භාෂා හැදෑරීමයි. දැන් ඇයට ඒ භාෂා සමඟ ස්වීඩන්, පින්ලන්ත, පංජාබ් සහ හින්දි ඇතුළු භාෂා 6ක් කතා කළ හැකියි.
ලේඛිකා ප්‍රියංවදාට සරීටා හඳුනාගන්න ලැබුණේ ස්වීඩන් රූපවාහිනිය ඔස්සේ විකාශය වූ වැඩ සටහනක් නිසායි.
“කෙල්ලක ලෙස මෙලොව එළිය දැකීම නිසාම උපන් මොහොතේ සිට විසි වසරක් තිස්සේ ඇයට විඳින්නට සිදුවූ අනේක විධ දුක් ගැහැට ඇය රූපවාහිනී වැඩ සටහනෙන් විස්තර කරද්දී මගේ දෑසට කඳුළු ඉනුවා. මගේ හදවත මේ දරුවා වෙනුවෙන් හඬා වැලපුණා. ඇගේම පියා තමන්ට උපන් මේ ගැහැනු දරුවා ඉපදුණු ගමන් කොට්ටයෙන් මුහුණ තදකර මරාදාන්න උත්සාහ කර තිබුණා. එහෙත්, වාසනාවකට ඇය මියගියේ නැහැ. ඉන්පසුත් ඇය විඳි දුක් වේදනා අපමණයි” ප්‍රියංවදා පැවසුවා.
එතැන් පටන් සරීටා මුණගැසීමට උත්සාහ දැරූ ප්‍රියංවදාට ඇය හා කතාබහ කිරීමේ අවස්ථාව උදාවුණා. මේ වෙද්දී සරීටාගේ පොත පිටවී අවසානයි. ඒ මුල් කෘතිය ලොව පුරා භාෂා කීපයකට පරිවර්තනය වී තිබුණා. ප්‍රියංවදා සහ සරීටා මුණගැසීමේ ප්‍රතිඵලය වූයේ මවකගේ සෙනෙහස නොමැතිව ජීවත්වන සරීටා ට ප්‍රියංවදාගෙන් මවු සෙනෙහස ලැබීම සහ ඇගේ කෘතිය සිංහලයට නැඟීමයි.
“සරීටා මට කතාකරන්නේ මමා කියලයි. මං එයාට සිංහලෙන්ම දුව කියා කතා කරනවා. මා මේ පොත පරිවර්තනය කළේ මුළු ලෝකයේම අතවරයට ලක්ව ඒවා විඳගෙන ජීවත්වන සියලුම ගැහැනුන් වෙනුවෙනුයි” ප්‍රියංවදා පැවසුවා.
පොත මෙරට විකුණා ලබන ලාබය අපේ රටේ දුප්පත් ගැහැනු දරුවන්ගේ අධ්‍යාපනය වෙනුවෙන් යෙදවීමට සරීටා සහ ප්‍රියංවදා තීරණය කර ඇතත් ඒ සඳහා තවමත් ඉඩ හසර විවර වී නැති බව ඔවුන් පැවසුවේ කනගාටුවෙනි.
සරීටා ගේ කතාව මුළු ලොවම දැනගත් පසු ඇයට දිගින්දිගටම ලෝකය පුරා විවිධ රටවලින් දේශන සඳහා ආරාධනා ලැබීමත් සමඟ ඇය ලෝකයේ ජනප්‍රිය දේශකවරියක බවට පත්වූවා. කාන්තා හා ළමා සුබසාධනය වෙනුවෙන් කතාකරන සරීටා ර‍ට රටවලින් ලැබෙන ආරාධනා අනුව ඒ රටවලට ගොස් කාන්තා හා ළමා අපරාධ අඩු කිරීම සඳහා ගත යුතු පියවර ගැන උපදෙස් දෙමින් අනාගත පරපුර සඳහා විශාල සමාජ මෙහෙවරක් කරන්නීය. නෝර්වේ සහ ස්වීඩන් යන රටවල ඉතා ඉහළ පිළිගැනීමකට ලක්ව සිටින සරීටා 2013 අගෝස්තු මාසයේ ස්වීඩන ගුවන් විදුලියේ ජනප්‍රියම කථකයා ද වූවාය.
ඉන්දියාවේ වසරකට ගැහැනු දරුවන් කළල අවස්ථාවේදී පටන් මිලියන 50කට ආසන්න සංඛ්‍යාවක් විනාශයට හෝ මරණයට පත්වන බව පවසන සරීටා තම කතාව ලොවට හෙළි කළේ ඒ ඉරණමෙන් ගැහැනු දරුවන් බේරා ගැනීමට බව පවසයි. ඇය අද ඒ සඳහා පෙරමුණ ගෙන සිටින අතර ඇගේ රැකවරණ ලැබ සිය ජීවිත සාර්ථක කරගත් ගැහැනු දරුවන් අතර ඉංජිනේරුවරියන්, වෛද්‍යවරියන්, මෝස්තර නිර්මාණ ශිල්පිනියන්, ගෘහනිර්මාණ ශිල්පිනියන් සහ පුවත්පත් කලාවේදිනියන් ද ලෙස පෙරට ආ තරුණියන්් හතළිස් පහකට ආසන්න සංඛ්‍යාවක් සිටිනවා.
මේ සියලු කාර්යයන්ට ඇයට අවශ්‍ය ශක්තිය ලබාදෙන්නේ ඇගේ නෝර්වේ ජාතික සැමියායි. සරීටා තමා උපයන සෑම දෙයින්ම කොටසක් තම මවු රටේ දරුවන් වෙනුවෙන් යොදවනවා.
සරීටා සියලු වධ හිංසාවලට ලක් කළ ඇගේ පියා දැන් ඉන්දියාවේ ඉතා සමෘද්ධිමත් ජීවිතයක් ගත කරන්නේ ‘ඉසාට්’ ගැන ද පුරසාරම් දොඩමිනි. ඔහුගේ බලයට යටත්ව අසරණව දිවි ගෙවන මව දැක බලාගැනීමට සරීටා පෙරුම් පුරන්නීය. එහෙත් ඇය යළි පංජාබයේ ඔවුන්ගේ නිවෙසට පා තබන්නේ පියා නොමැති දිනයක බව සරීටා පවසනවා.
“අපේ ලංකාවේ පවා කාන්තාවන්ගෙන් සියයට අසූවක්ම වාචිකව හෝ පිරිමින්ගේ ගැහැටට ලක්වෙලා තියෙනවා. ඒත් අපි හැමදාම නිහඬයි. ඒවා විඳගෙන ඉන්නවා. ජීවිතයටම බලපාන දෙයක් සිදුවුණත් අපි ඒවා හිතේ සඟවාගෙන ජීවත් වෙනවා. එහෙත් සරීටා ඒ සියල්ල හදවතේ හංගා ගෙන නොසිට හෙළිකර ජීවිතයට ධෛර්යය ලබා ගත්තා. ඒ අත්දැකීම් මත ඇය අනිත් අයටත් උදව් කරනවා” යැයි ප්‍රියංවදා පැවසුවා.
0 comments:
Post a Comment