නිවාඩුවක් ගත කිරීම සදහා තංගලු ගොස් සිටි කුර්හාම් ෂායික්හ් නම් බි‍්‍රතාන්‍යය ජාතිකයාගේ ඝාතනය පිළිබඳ ශී‍්‍ර ලංකාවේ ජනාධිපතිවරයාගෙන් පෞද්ගලිකවම විමසා සිටින බව බි‍්‍රතාන්‍යය අගමැති ඬේවිඞ් කැමරන් පසුගියදා පැවැති බි‍්‍රතාන්‍යය පාර්ලිමෙන්තු සැසිවාරයකදී පැවසීය.
තම පෙම්වතිය සමග තංගල්ල ප‍්‍රදේශයේ හෝටලක සිටි කුර්හාම් ෂායික්හ් ඝාතනයට ලක්වූයේ 2011 වසරේ නත්තල් දිනදීය.හෝටලයට පැමිණි පුද්ගලයින් අට දෙනෙකු තම පෙම්වතිය අපහසුතාවට පත්වන පරිදි හැසිරීම නිසා ඔවුන් සමග ඇතිකර ගෙන තිබෙන ගැටුමේදී ඔවුන් අතින් කුර්ෂිඞ් මෙසේ ඝාතනයට ලක්ව ඇතැයි සිද්ධිය සම්බන්ධයෙන් ශී‍්‍රලංකා පොලිසිය කළ පරීක්ෂණයේදී හෙළිව ඇත.
සිද්ධියට සම්බන්ධ එක් පුද්ගලයෙකු ශ්රී ලංකා රජයේ ප‍්‍රබලයකු බවද සදහන්ය.
බි‍්‍රතාන්‍යය අගමැතිවරයා මේ බව ප‍්‍රකාශ කළේ ප‍්‍රධාන විපක්ෂය වන කම්කරු පක්ෂයේ පාර්ලිමෙන්තු මන්තී‍්‍රවරයෙකු වන සයිමන් ඩැන්සුක් මෙම සිදුවීම ගෙන හැර දක්වමින් මෙවන් වාතාවරණයක් ඇති රටකදී සංවිධානය කෙරෙන පොදුරාජ්‍ය මණ්ඩලීය රටවල හමුවකට සහභාගී වීමට බි‍්‍රතාන්‍යය රජයට හැකියාවක් තිබේද යැයි නැගූ ප‍්‍රශ්නයට පිළිතුරු ලෙසය.
බි‍්‍රතාන්‍යය අගමැතිවරයා වැඩිදුරටත් කියා සිටියේ යහපත් අරමුණු පෙරදැරි කරගෙන පැවැත්වෙන පොදුරාජ්‍ය මණ්ඩලීය සමුලූවට බි‍්‍රතාන්‍යය සහභාගී වීමේ වරදක් තමන් නොදකින බවයි.නමුත් ශී‍්‍රලංකාවේ මානව හිමිකම් සුරැුකීම පිළිඹද කිසිදු අයුරින් සෑහිමකට පත්විය නොහැකි බවත් හෙතෙම පවසා සිටියේය.
කුර්හාම් කුර්ෂිඩ් ඝාතනයේ තොරතුරු තමන් ජනපතිවරයාගෙන් විමසා සිටින බවත් එම සාකච්ඡාව අතරතුරදී ශී‍්‍ර ලංකාවේ ගැටළුකාරී තත්ත්වය ගැන බි‍්‍රතාන්‍යය ස්ථාවරය ඔහු හමුවේ පැහැදිලි කරන බවත් බි‍්‍රතාන්‍යය අගමැති ඬේවිඞ් කැමරන් කීය.
ඔහු අවසන් වශයෙන් ප‍්‍රකාශ කළේ ශී‍්‍ර ලංකාවේ තත්ත්වය ගැන බි‍්‍රතාන්‍යය ස්ථාවරය පැහැදිලි කර දීමට හා පිළිතුරු ලබා ගැනීමට පොදුරාජ්‍ය මණ්ඩලීය සමුළුවට සහභාගී වීම හොද අවස්ථාවක් බවයි.
රතු කුරුස සංවිධානයේ සාමාජිකයෙකු වන කුර්හම් ෂායික්හ් ශී‍්‍ර ලංකාවට 2011 වසරේදී පැමිණ ඇත්තේ ගාසා තීරයේ සේවය කිරීමෙන් පසු නිවාඩුවක් ගතකිරීම සදහාය.ඒ තම රුසියා ජාතික පෙම්වතියද සමගය.
2011 නත්තල් දිනයේ අලූයම් සමයේ තංගල්ලේ ඔවුන් නැවතී සිටි හෝටලයේ අවන්හලට වී සිටියදී එතැනට පැමිණි පුද්ගලයින් පිරිසක් තම පෙම්වතිය අපහසුතාවට පත්වන ආකාරයට හැසිරීම නිසා එයට එරෙහිව කතා කිරීමට ගිය කුර්හම් හට මෙම පුද්ගලයින්ගෙන් පහර කෑමට සිදුව ඇතැයි ශී‍්‍රලංකා පොලිසිය සිදුකළ පරීක්ෂණ වලින් හෙළිව ඇත.
පිරිසේ පුද්ගලයින් අට දෙනෙකු සිට ඇති අතර ඔවුන් කුර්හම්ගේ ගෙලට පිහියකින් ඇන අනතුරුව වෙඩි තබා ඝාතනය කර ඇතැයි පොලිස් වාර්තාවේ දැක්වේ.
ඔහුගේ පෙම්වතියටද සිහිනැතිවන තෙක් පහරදී ඇයව සමුහ දුෂණකට ලක්කිරීමටද මෙම පුද්ගලයින් පිරිස කටයුතු කර ඇතැයිද පොලිස් වාර්තාවේ සදහන්ය.
පෙම්වතිය දුෂණය කර ඇතැයි යන්න සනාථ කෙරෙන පැහැදිලි වෛද්‍ය වාර්තා ඉදිරිපත් කොට තිබියදීත් ශී‍්‍රලංකා රජය එවැන්නක් සිදුවී නැතැයි ප‍්‍රකාශ කර ඇත.
මෙම සිදුවීමේ ම්ලේච්ඡ භාවය හා නිසි පරීක්ෂණයක් පැවැත්වීම දිනෙන් දින කල් යැවීම සම්බන්ධයෙන් බි‍්‍රතාන්‍යය මෙන්ම ඇමරිකාවද අවධානය යොමු කර තිබේ.ශී‍්‍රලංකාවේ ඉහළ යමින් ඇති ලිංගික හිංසනයන් හා ඒවාට සම්බන්ධ පුද්ගලයින්ට නිසි දඩුවම් පැමිණවීම පිළිඹද ශී‍්‍රලංකා රජය වහා පියවර ගත යුතුව ඇතැයි එම රටවල අදහසයි.
දකුණු ආසියාව පුරාම මෙවැනි වාතාවරණයක් දැකගත හැකි බව කියන මානව හිමිකම් සංවිධාන වල අදහස වන්නේ දකුණු ආසියාවේ රටවල් වල නීතිය සැමට එකසේ කි‍්‍රයාත්මක නොවීම මෙම තත්ත්වයට හේතුවී ඇති බවයි.
0 comments:
Post a Comment